ಮಹ್ಳರತುಲ್ ಬದ್ರಿಯ್ಯ ಮಜ್ಲಿಸ್ ಗೆ ಒಂದು ಅಪ್ಡೇಟ್

🎓🎓 ಮಾಸ್ಟರ್ ಮೈಂಡ್ 🎓🎓

 ಮಹ್ಳರತುಲ್ ಬದ್ರಿಯ್ಯ ಮಜ್ಲಿಸ್ ಗೆ ಒಂದು ಅಪ್ಡೇಟ್

   Honorable Grand Mufthi of India ಸುಲ್ತಾನುಲ್ ಉಲಮಾ ಎ.ಪಿ ಉಸ್ತಾದ್ ರವರು ಸುನ್ನೀ ಸಂಘ ಕುಟುಂಬದ ಎಲ್ಲಾ ಘಟಕಗಳಿಗೂ ಮಾಸಂಪ್ರತಿ ಅದರ ಕಾರ್ಯಕರ್ತರನ್ನು ಸೇರಿಸಿ ಹೇಳಲು ಪ್ರತ್ಯೇಕ ಇಜಾಝತ್ ಕೊಟ್ಟ ದ್ಸಿಕ್ರ್ ಗಳ ಕ್ರೇೂಢೀಕರಣವಾಗಿದೆ ಮಹ್ಳರತುಲ್ ಬದ್ರಿಯ್ಯ.

    ಒಂದರ್ಥದಲ್ಲಿ ಇದು ಘಟಕಕ್ಕೆ ಸಿಗುವ ಆತ್ಮೀಯ ಅಂಗೀಕಾರ ಪತ್ರ ಎಂದರೂ ತಪ್ಪಲ್ಲ.

      ಕಳೆದ ಎರಡ್ಮೂರು ವರ್ಷಗಳಲ್ಲಿ ಹಲವು ಘಟಕಗಳಲ್ಲಿ ನಡೆಸಿಕೊಂಡು ಬರುವ ಈ ಮಜ್ಲಿಸ್ ಗೆ ಕೆಲವೊಂದು ಹೊಸತನ ಸೇರ್ಪಡೆಗೊಳಿಸುವುದು ಅವಶ್ಯಕ.

        ಶಾಖೆಗಳಲ್ಲಿ ಮಾಸಂಪ್ರತಿ ಮಾಡುವ ಮಜ್ಲಿಸ್ ಯುನಿಟ್ ಕಛೇರಿಯಲ್ಲಿ ಮಾಡುವುದನ್ನು ಬಿಟ್ಟು ಶಾಖಾ ವ್ಯಾಪ್ತಿಯ ಸೌಕರ್ಯವಾಗುವ ಮನೆಗಳಲ್ಲಿ ಮಾಡುವುದು ಉತ್ತಮ.
ಕೊನೆಯ ದುಆದ ಮುಂಚೆ ಮಾಡುವ 15 ನಿಮಿಷಗಳ ತರಗತಿಯಲ್ಲಿ ನಮ್ಮ ಸಂಘಟನೆಯ ಮಹತ್ವವನ್ನೂ ಸೇರಿಸಿ ಹೇಳಬಹುದು. ಇದೆಲ್ಲವೂ ಸೈಲೆಂಟಾಗಿ ದಅ್ ವಾ ಮಾಡುವುದಲ್ಲದೆ ನಿಧಾನವಾಗಿ ಹೊಸ ಮುಖಗಳು ಸಂಘಟನೆಗೆ ಆಕರ್ಷಿಸುವಂತೆ ಮಾಡುತ್ತದೆ.

       ಇನ್ನೊಂದು ವಿಚಾರ, ಘಟಕಗಳಲ್ಲಿ ಮಜ್ಲಿಸ್ ನಡೆಸುವುದರೊಂದಿಗೆ ಪ್ರತಿಯೊಬ್ಬ ಕಾರ್ಯಕರ್ತ ತನ್ನ ಮನೆಯಲ್ಲಿಯೂ ಮಾಸಂಪ್ರತಿ ಪರಿಸರದ 10-15 ರಷ್ಟು ಹೊಸಮುಖ (ವಿದ್ಯಾರ್ಥಿ) ಗಳನ್ನು ಸೇರಿಸಿ ಮಜ್ಲಿಸ್ ಸಂಘಟಿಸುವುದೂ ಹೊಸಬರನ್ನು ಸಂಘಟನೆಯತ್ತ ಕೊಂಡು ತರುತ್ತದೆ ಅಲ್ಲದೆ ಒಂದು ವರ್ಷದಲ್ಲಿ ಸಾಂಘಿಕ ಅರಿವು ಇರುವ ಟೀಂ ಕೂಡಾ ರೆಡಿ ಮಾಡಬಹುದು.

✍ *Musthafa Master Ullal*
*======================*